Осы жылдың 28 наурызында "Қазақстандағы жасанды интеллектті дамыту Қауымдастығы" ЗТБ (бұдан әрі – қауымдастық) өкілдері мен серіктестерінің ҚР-дағы АҚШ елшілігімен кездесуі өтті. Кездесуге қатысқандар: ҚР-дағы АҚШ Елшілігінің саяси мәселелер жөніндегі офицері Бенджамин Оверби, ҚР-дағы АҚШ елшілігінің экономика мәселелері жөніндегі көмекшісі Григорий Садовский, ҚР-дағы АҚШ Елшілігінің саяси мәселелер жөніндегі маманы Зарина Малик, Қауымдастық төрағасы Бақытжан Ешмұхамбетов, ірі қазақстандық IT-холдингтің құрылтайшысы Темірлан Зиятов, сондай-ақ Қауымдастық серіктесі, венчурлік қордың құрылтайшысы және сарапшы Айдар Мырзахметов. Әңгімелесу барысында қатысушылар АҚШ пен Қазақстан арасындағы жасанды интеллектті зерттеу және әзірлеу (бұдан әрі – ЖИ) саласындағы ынтымақтастықтың перспективалары мен стратегияларын талқылады.

Халықаралық стандарттарды нормативтік-құқықтық талаптарда қолдану мәселелері талқыланды, бұл ЖИ-ді зерттеу және практикалық қолдану үшін қолайлы цифрлық экожүйені қалыптастыруға ықпал етеді. Қауымдастық медициналық технологиялар саласындағы ЖИ технологияларын коммерцияландыру бағыты бойынша кейс ұсынды. ҚР Денсаулық сақтау министрлігімен бірлесіп «клиникалық медицинадағы жасанды интеллект жүйелері» стандарттарының кешені әзірленуде, бұл болашақта амбулаториялық және стационарлық деңгейде ЖИ технологияларын қолдануға мүмкіндік береді.

Қазақстанда табысты интеграцияланған бірқатар IT жобалардың авторы Айдар Мырзахметов АҚШ пен Қазақстанда басқарушы венчурлық қорды іске қосу жоспарлары туралы айтып берді, бұл Кремний алқабының шетелдік инвесторлары мен қазақстандық стартап-экожүйені байланыстыратын көпір болады. Ол бұл бастама озық халықаралық тәжірибені қабылдай отырып, қазақстандық кәсіпкерлер мен жаһандық нарық арасындағы алшақтықты бірталай қысқартуға мүмкіндік беретінін, нәтижесінде Қазақстанның Орталық Азия өңіріндегі технологиялық прогресс орталығы ретіндегі ұстанымын нығайтатынын атап өтті. Сонымен қатар, сарапшы отандық инновациялар мен стартаптар нарығын ынталандыруға, халықаралық нарыққа ең табысты шешімдерді енгізуге және экспорттауға көмектесетін «цифрлық құмсалғышты» құру туралы айтты. Бұл ретте, АҚШ елшілігі Қазақстандағы ақпараттық технологиялардың ілгерілеуін және Қазақстанның әлемнің түкпір-түкпірінен IT саласындағы бизнес-періштелерді тарту орталығына айналу потенциалын атап өтті.